فه‌توا بۆ پرسیاركاران ده‌رباره‌ی ماوه‌ی مانه‌وه‌ی یه‌كه‌م و دووه‌می هاوه‌ڵانی ئه‌شكه‌وت به حسابی سێ هه‌ساره له كتێب، بۆ ئه‌وانه‌ی تێده‌گه‌ن له خاوه‌ن ژیری و هۆشمه‌نده‌كان..
ئیمام ناصر محمد يه‌مانی
16 - 09 - 1433 کۆچی
04 - 08 - 2012 زایینی
08:55 به‌یانی
[بۆ بەدواداچوونی بەستەری سەرەکی بەشداری بەیانەکە]
https://nasser-alyamani.org/showthread.php?p=54513
ـــــــــــــــــــ
فه‌توا بۆ پرسیاركاران ده‌رباره‌ی ماوه‌ی مانه‌وه‌ی یه‌كه‌م و دووه‌می هاوه‌ڵانی ئه‌شكه‌وت به حسابی سێ هه‌ساره له كتێب، بۆ ئه‌وانه‌ی تێده‌گه‌ن له خاوه‌ن ژیری و هۆشمه‌نده‌كان..
بەناوی الله ی لە ھەموو میھرەبان و بە بەزەییەکان میھرەبانترو بە بەزەییتر، دروودو سڵاو لەسەر سەرجەم نێردراوو پێغەمبەرەکانی اللە و کەس و کارە چاک و پاکەکانیان و شوێنکەوتووانی حەق تا ئەم ڕۆژەی اللە لێپرسینەوە لەگەڵ بەندەکانیدا دەکات لەسەر ئایینەکەیان، لەدوای ئەمە..
ئه‌ی گه‌لی پرسیاركاران ده‌رباره‌ی ماوه‌ی مانه‌وه‌ی یه‌كه‌م و دووه‌می هاوه‌ڵانی ئه‌شكه‌وت، هه‌میشه هیچ شتێک ناڵێم لەسەر اللە جگه له‌وه‌ی حه‌ق و ڕاست نه‌بێت، جا ئه‌مه‌ش پرسیارو وەڵام له مەحكه‌می كتێب بۆ ئه‌وانه‌ی تێده‌گه‌ن له خاوه‌ن ژیری و هۆشمه‌ندەكان:
پـــــ 1 ـ له‌به‌ر ئه‌وه‌ی هاوه‌ڵانی ئه‌شكه‌وت هێشتا له ئه‌شكه‌وته‌كه‌یاندابوون له زەمانی ڕه‌وانه‌كردنی دواهەمینی پێغه‌مبه‌رو نێردراوان محمد نێردراوی اللە دروودو سڵاوی اللە لەسەرخۆی و کەس و کارەکەی به بەڵگەی ئه‌وه‌ی اللە ی پایەبەرز ده‌فه‌رموێت: {وَتَحْسَبُهُمْ أَيْقَاظًا وَهُمْ رُقُودٌ ۚ وَنُقَلِّبُهُمْ ذَاتَ الْيَمِينِ وَذَاتَ الشِّمَالِ وَكَلْبُهُمْ بَاسِطٌ ذِرَاعَيْهِ بِالْوَصِيدِ لَوِ اطَّلَعْتَ عَلَيْهِمْ لَوَلَّيْتَ مِنْهُمْ فِرَارًا وَلَمُلِئْتَ مِنْهُمْ رُعْبًا} صدق الله العظيم [الكهف:18].
جا ئه‌و پرسیاره‌ی ئاڕاسته ده‌كرێت ئه‌وه‌یه: ئایا هاوه‌ڵانی ئه‌شكه‌وت له‌دوای تێپه‌ڕبوون و به‌سه‌ربردنی ماوه‌ی مانه‌وه‌ی یه‌كه‌میان له ئه‌شكه‌وته‌كه‌یان ده‌رچوون و پاشانیش گه‌ڕانه‌وه؟ ئایا به‌ڵگه‌ت چیه له مەحكه‌می كتێب له‌سه‌ر ده‌رچوونیان له‌دوای به‌سه‌ربردنی ماوه‌ی مانه‌وه‌ی یه‌كه‌م و گه‌ڕانه‌وه‌یان بۆ ئه‌شكه‌وته‌كه‌یان بۆ به‌سه‌ربردنی ماوه‌ی مانه‌وه‌كه‌ی دووه‌م؟
و1 هه‌رچی به‌ڵگه‌ی ئاشكرایه له مەحكه‌می كتێبی قورئان له‌سه‌ر ده‌رچوونیان له ئه‌شكه‌وته‌كه‌یان له‌دوای به‌سه‌ربردنی ماوه‌ی مانه‌وه‌ی یه‌كه‌م له خه‌وه‌كه‌ی یه‌كه‌میان ئه‌وا ئه‌مه له‌وه‌دا ده‌بینن کە اللە ی پایەبەرز ده‌فه‌رموێت: {وَلَبِثُوا فِي كَهْفِهِمْ ثَلاثَ مِائَةٍ سِنِينَ}.
جا له‌م ئایه‌ته‌دا ئه‌مه ده‌رده‌هێنین کە ئه‌وان هه‌موویان له ئه‌شكه‌وته‌كه‌یان ده‌رچوون له‌دوای تێپه‌ڕبوونی ماوه‌ی مانه‌وه‌ی یه‌كه‌م. هه‌ر له‌به‌رئه‌مه‌ش اللە ی پایەبەرز فه‌رموویه‌تی: {وَلَبِثُوا فِي كَهْفِهِمْ ثَلاثَ مِائَةٍ سِنِينَ}.
به‌و مانایه‌ی ئه‌وان ده‌رچوون لێی له‌دوای تێپه‌ڕبوونی سێ سه‌د ساڵی مانگی (قەمەری).
پـــــ 2 ـ ئایا له‌دوای ئه‌وه‌ی اللە ئه‌وانی گه‌ڕانده‌وه له‌دوای به‌سه‌ربردنی ماوه‌ی مانه‌وه‌ی یه‌كه‌م، ئایا پرسیاریان له هیچ كه‌سێكی خه‌ڵكی جیهان كرد تا ده‌رباره‌ی چیڕۆک و به‌سه‌رهاته‌كه‌یان هه‌واڵیان پێبدەن؟ وه‌ڵامه‌كه‌ی له مەحكه‌می كتێبدا ده‌بینن به‌وه‌ی حیكمه‌ت له گه‌ڕانه‌وه‌كه‌یان بریتی بوو له پرسیاركردن له نێوان خۆیان، وه پرسیاریشیان له هیچ كه‌سێكی خه‌ڵكی جیهان نه‌كرد ئه‌مه‌ش تا اللە نهێنیه‌كه‌یان ئاشکرا نه‌كات تا ئه‌و كاته‌ی كات و قه‌ده‌ری دیاریكراو دێت له دێڕە نوسراوەکانی كتێبەکەی اللە. هه‌ر له‌به‌ر ئه‌مەش اللە ی پایەبەرز فه‌رموویه‌تی: {كَذَلِكَ بَعَثْنَاهُمْ لِيَتَسَاءَلُوا بَيْنَهُمْ} صدق الله العظيم [الكهف:19].
جا بۆتان ڕوونده‌بێته‌وه بەوەی اللە لە خەوەکە بەئاگای هێنانەوە بۆ ئه‌وه‌ی هه‌ندێكیان قسه له‌گه‌ڵ هه‌ندێكیان بكه‌ن، جا له‌گه‌ڵ هیچ كه‌سێكی تر له‌دوای بە ئاگا هاتنەوەکەیان له ماوه‌ی مانه‌وه‌ی یه‌كه‌مدا قسه‌یان نه‌كرد، بۆیەش اللە ی پایەبەرز فه‌رموویه‌تی: { كَذَلِكَ بَعَثْنَاهُمْ لِيَتَسَاءَلُوا بَيْنَهُمْ قَالَ قَائِلٌ مِّنْهُمْ كَمْ لَبِثْتُمْ قَالُوا لَبِثْنَا يَوْمًا أَوْ بَعْضَ يَوْمٍ قَالُوا رَبُّكُمْ أَعْلَمُ بِمَا لَبِثْتُمْ فَابْعَثُوا أَحَدَكُم بِوَرِقِكُمْ هَذِهِ إِلَى الْمَدِينَةِ فَلْيَنظُرْ أَيُّهَا أَزْكَى طَعَامًا فَلْيَأْتِكُم بِرِزْقٍ مِّنْهُ وَلْيَتَلَطَّفْ وَلا يُشْعِرَنَّ بِكُمْ أَحَدًا إِنَّهُمْ إِن يَظْهَرُوا عَلَيْكُمْ يَرْجُمُوكُمْ أَوْ يُعِيدُوكُمْ فِي مِلَّتِهِمْ وَلَن تُفْلِحُوا إِذًا أَبَدًا} صدق الله العظيم [الكهف:19].
پـــــ 3 ـ جا ئه‌م پیاوه‌ی ده‌رچوو له ئه‌شكه‌وته‌كه ئایا چوو بۆ شاره‌كه‌و خواردنی بۆ ئاماده‌كردن؟
و3 به‌ڵكو له ده‌رگای ئه‌شكه‌وته‌دا گه‌ڕایه‌وه له‌به‌ر ئه‌وه‌ی اللە شارو ئاوه‌دانی گه‌له‌كه‌ی نغرۆكردبوو له‌دوای ئه‌وان، له‌به‌رئه‌مه‌ش كاتێک پیاوه‌كه له ده‌رگای ئه‌شكه‌وته‌كه ده‌رچوو شاره‌كه‌ی نه‌بینی نه هیچ ڕۆشناییه‌كیش، له‌كاتێكدا كاته‌كه شه‌و بوو به‌ڵام هیچ شتێكی نه‌بینی جگه له تاریكاییه‌كی كش و مات و بێده‌نگ نه‌بێت له بێده‌نگی شه‌و، ته‌نانه‌ت تروسكاییه‌كیش له ڕۆشنایی له ماڵه‌كانی یه‌كێک له‌م ئاوه‌دانیه گه‌وره‌یه، به‌ڵكو ته‌نها تاریكاییه‌كی كش و مات و بێده‌نگ. جا له‌پاش ئه‌مه بانگی هاوه‌ڵه‌كانی كرد تا ئه‌م شته ببینن، له‌پاش ئه‌مه ئه‌وانیش هه‌موویان ده‌رچوون بۆ لای ده‌رگای ئه‌شكه‌وته‌كه جا به ئاگاداریه‌وه گوێیان گرت به‌ڵكو گوێیان له حه‌په حه‌پی سه‌گه‌كان بێت یان زه‌ڕه‌ی گوێدرێژه‌كان یان ده‌نگی ئاژه‌ڵه‌كان یان بانگی كه‌ڵه‌شێره‌كان تا به‌رچاوڕوونیان بكه‌ن له‌سه‌ر هه‌بوون و مانه‌وه‌ی گه‌له‌كه‌یان به زیندوویی جا له‌وه‌یه خه‌وتبن، به‌ڵام ئه‌وان هیچ شتێكیان گوێ لێنه‌بوو وەک ئه‌وه‌ی هه‌ر بڵێی هیچ ژیانێک بوونی نه‌بێت له ده‌وروبه‌ریان، جا ئه‌مه سه‌رنجی ئه‌وانی ڕاكێشا! له‌پاش ئه‌مه بڕیاری گه‌ڕانه‌وه‌یاندا بۆ ئه‌شكه‌وته‌كه تا بخه‌ون تا به‌یانی پاشان له ده‌رگای ئه‌شكه‌وته‌كه سه‌یر بكه‌ن لەدوای ئەوان چ شتێک ڕوویداوه به‌سه‌ر گه‌له‌كه‌یاندا، جا ئه‌وان نه‌یانده‌زانی اللە ئاوه‌دانی گه‌له‌كه‌یانی به‌ر له نۆ هه‌زار ساڵ نغرۆ کردووە، تا ئه‌وه‌بوو گه‌ڕانه‌وه بۆ ئه‌شكه‌وته‌كه بۆ ئه‌وه‌ی بخه‌ون تا به‌یانی لەپاش ئه‌مه اللە قورسایی به‌سه‌ر گوێكانیاندا هێنا بۆ تێپه‌ڕكردنی ماوه‌ی مانه‌وه‌ی دووه‌م. بە پشتڕاستکردنەوەی ئەم فەرموودەیەی اللە ی پایەبەرز: {وَازْدَادُوا تِسْعاً} صدق الله العظيم [الكهف:25].
وه اللە ش ده‌كه‌م به شاهێد به‌وه‌ی كاتی ماوه‌ی مانه‌وه‌ی یه‌كه‌م نۆ هه‌زار ساڵه به حسابی ڕۆژه‌كانی به‌شه‌ر، وه بەوەی كاتی ماوه‌ی مانه‌وه‌ی دووه‌میش نۆ هه‌زار ساڵه به حسابی ڕۆژه‌كانی به‌شه‌ر، بێگومان ڕاستیش ده‌كه‌ین.
له‌وه‌یه یه‌كێک له پرسیاركاران بیه‌وێت بڵێت: "به‌ڕاستی ئه‌مه شتێكی سه‌یره! ئایا چۆن ماوه‌ی مانه‌وه‌ی یه‌كه‌م كه سێ سه‌د ساڵه، تۆ هاتوویت ده‌ڵێیت نۆ هه‌زار ساڵه وه به‌هه‌مان شێوه ماوه‌ی مانه‌وه‌ی دووه‌م کە نۆ ساڵه تۆ ده‌ڵێیت به‌هه‌مان شێوه نۆ هه‌زار ساڵه؟ به‌ڕاستی ئه‌مه شتێكی سه‌یره! جا نهێنیه‌كانی حسابم فێربكه له مەحكه‌می كتێب كه بۆ ئه‌وانه‌یه تێده‌گه‌ن له خاوه‌ن ژیری و هۆشمه‌نده‌كان وه فه‌تواكه‌شی بۆ پرسیاركاران ده‌رباره‌ی ماوه‌ی مانه‌وه‌ی یه‌كه‌م و دووه‌می هاوه‌ڵانی ئه‌شكه‌وت". جا له‌پاش ئه‌مه ئیمام مه‌هدی ناصر محمد یه‌مانی وەڵامی ئه‌وانه ده‌داته‌وه‌و ده‌ڵێم: حسابه‌كه به حسابی جوڵه‌ی سێ هه‌ساره‌یه كه یه‌كێكیان بریتیه له هه‌ساره‌ی ڕۆشن و دره‌وشاوه (خۆر) ئه‌ویتریان هه‌ساره‌ی ڕوناک (مانگ) ئه‌وی تریان هه‌ساره‌ی زه‌وی به‌شه‌ر. له‌وه‌یه پرسیاركاره‌كه بیه‌وێت بڵێت: "جا ئایا له كتێبدا حسابی مانگی و حسابی خۆری (شەمسی) هه‌یه؟". له‌پاش ئه‌مه بۆ ئه‌م پرسیاركارانه فه‌توا ده‌ده‌ین به حه‌ق به‌وه‌ی حسابێكی خۆری (شه‌مسی) هه‌یه به گوێره‌ی جوڵه‌ی خۆر، وه حسابێكی مانگیش هه‌یه به گوێره‌ی جوڵه‌ی مانگ. بە پشتڕاستکردنەوەی ئەم فەرموودەیەی اللە ی پایەبەرز: {الشَّمْس وَالْقَمَر بِحُسْبَانٍ} صدق الله العظيم [الرحمن:5].
وه مانگێكی خۆریش ده‌كاته هه‌زار ڕۆژی مانگی له ڕۆژه‌كانی خودی مانگ.
وه ئه‌و پرسیاره‌ی ئاڕاسته ده‌كرێت ئه‌وه‌یه: جا ئایا ڕۆژێكی مانگ ده‌كاته چه‌ند به حسابی ڕۆژه‌كانی به‌شه‌ر؟
وه‌ڵامه‌كه‌ی: ده‌كاته سی ڕۆژی زه‌مینی به‌گوێره‌ی ڕۆژه‌كانی به‌شه‌ر، كه‌واته مانگێكی خۆری (شه‌مسی) ده‌كاته هه‌زار مانگ له مانگه‌كانی به‌شه‌ر وه تا مه‌سه‌له‌كه‌تان له‌سه‌ر ئاڵۆز نه‌كه‌ین بزانن یەک چركه له چركه‌كانی مانگ ده‌كاته سی چركه‌ی زه‌مینی، وه به‌هه‌مان شێوه خوله‌كێک ده‌كاته سی خوله‌كی زه‌مینی، وه كاتژمێرێک ده‌كاته سی كاتژمێری زه‌مینی، وه ڕۆژێک ده‌كاته سی ڕۆژی زه‌مینی، وه مانگێكی ده‌كاته سی مانگی زه‌مینی، ساڵێكی مانگیش بۆ خودی مانگ بێگومان ده‌كاته سی ساڵی زه‌مینی. جا له‌پاش ئه‌مه ئه‌م فه‌رمووده‌ی اللە ی پایەبەرز دەهێنین کە ده‌فه‌رموێت: {وَلَبِثُوا فِي كَهْفِهِمْ ثَلاثَ مِائَةٍ سِنِينَ} صدق الله العظيم.
جا مه‌به‌ستی ئه‌مه به حسابی ساڵی مانگیه بۆ خودی مانگ به‌گوێره‌ی جوڵه‌ی مانگ و ڕۆژی مانگ.
وه ئه‌و پرسیاره‌ی ئاڕاسته ده‌كرێت ئه‌وه‌یه: جا چه‌ند ده‌كاته سێ سه‌د ساڵی مانگی به حسانی ساڵه‌كانی به‌شه‌ر؟ وه‌ڵامه‌كه‌ی: له‌به‌رئه‌وه‌ی ڕۆژێكی مانگی بۆ خودی مانگ ده‌كاته سی ڕۆژی زه‌مینی و مانگێكیشی ده‌كاته سی مانگ جا بێگومان یه‌ک ساڵی مانگی بۆ خودی مانگ ده‌كاته سی ساڵی زه‌مینی، كه‌واته هه‌ڵده‌ستین به لێكدانی:
[ {سێ سه‌د ساڵ} x سی ] = نۆ هه‌زار ساڵ به حسابی ساڵه‌كانی زه‌وی به‌هه‌مان حسابی ڕۆژه‌كانی به‌شه‌ر كه نه چركه‌یه‌كیشی زیاده نه چركه‌یه‌كیشی كه‌م.
[[{سێ سه‌د ساڵ } ـی مانگی ده‌كاته 9000 هه‌زار ساڵ كه نه چركه‌یه‌كیشی زیاده نه چركه‌یه‌كیش كه‌م ]]
جا له‌پاش ئه‌مه حسابی ماوه‌ی مانه‌وه‌كه‌ی دووه‌م دەهێنین بە پشتڕاستکردنەوەی ئەم فەرموودەیەی اللە ی پایەبەرز: {وَازْدَادُوا تِسْعاً} صدق الله العظيم [الكهف:25].
جا لەپاش ئه‌مه ده‌گه‌ڕێینه‌وه بۆ ئه‌وه‌ی اللە ی پایەبەرز ده‌فه‌رموێت: {الشَّمْس وَالْقَمَر بِحُسْبَانٍ} صدق الله العظيم [الرحمن:5].
جا ئه‌مه مانای ئه‌وه‌یه ماوه‌ی مانه‌وه‌ی دووه‌م به حسابی خۆره بۆ جوڵه‌ی خۆر، جا له‌به‌ر ئه‌وه‌ی مانگێكی خۆری (شه‌مسی) ده‌كاته هه‌زار مانگ له مەحكه‌می كتێب به‌گوێره‌ی ڕۆژه‌كانی به‌شه‌ر كه‌واته یه‌ک ساڵی خۆری ده‌كاته هه‌زار ساڵ له‌وه‌ی ئێوه ده‌یژمێرن، جا له‌پاش ئه‌مه به‌یانی حه‌ق و ڕاست و دروستی ئه‌وه ده‌زانن كه اللە ی پایەبەرز ده‌فه‌رموێت: {وَازْدَادُوا تِسْعاً} صدق الله العظيم.
به واتای: نۆ ساڵی خۆری (شەمسی). وه له‌به‌رئه‌وه‌ی یه‌ک ساڵی خۆریش ده‌كاته هه‌زار ساڵ له ساڵه‌كانی به‌شه‌ر كه‌واته به‌یانی حه‌ق و ڕاست و دروست بۆ ئه‌وه‌ی اللە ی پایەبەرز ده‌فه‌رموێت: {وَازْدَادُوا تِسْعاً} صدق الله العظيم.
به واتای: نۆ ساڵی خۆری، جا له‌به‌ر ئه‌وه‌ی مانگێكی خۆری ده‌كاته هه‌زار مانگ له مانگه‌كانی به‌شه‌ر كه‌واته ساڵێكی خۆری ده‌كاته هه‌زار ساڵ له‌وه‌ی ئێوه ده‌یژمێرن. كه‌واته به‌یانی حه‌ق و ڕاست و دروستی ئه‌وه‌ی اللە ی پایەبەرز ده‌فه‌رموێت: {وَازْدَادُوا تِسْعاً}، به‌و مانایه‌ی نۆ ساڵی خۆری، كه ئه‌ویش ده‌كاته نۆ هه‌زار ساڵ له‌وه‌ی ئێوه ده‌یژمێرن، جا ماوه‌ی مانه‌وه‌ی یه‌كه‌م و ماوه‌ی مانه‌وه‌ی دووه‌م یه‌كسان ده‌بێت جا نه چركه‌یه‌كیشی زیاد ده‌بێت نه چركه‌یه‌كیشی كه‌م له‌به‌رئه‌وه‌ی حسابه‌كه به حسابی جوڵه‌ی یه‌ک هه‌ساره نیه، به‌ڵكو مانگ و خۆرو زه‌وی له حسابه‌كه‌دا به‌شدارن.
ئه‌نجامه‌كه‌ش كۆتایی پێهات به حسابی ڕۆژه‌كانی به‌شه‌ر به‌وه‌ی:
ماوه‌ی مانه‌وه‌ی یه‌كه‌م نۆ هه‌زار ساڵه له‌وه‌ی ئێوه ده‌یژمێرن، وه ماوه‌ی مانه‌وه‌ی دووه‌میش نۆ هه‌زار ساڵ له‌وه‌ی ئێوه ده‌یژمێرن، بێگومان ڕاستیش ده‌كه‌ین ..
وە دروودو سڵاو لەسەر نێردراوو پێغەمبەرەکان سوپاس و ستایشیش بۆ اللە ی پەروەردگاری هەموو خەڵکی جیهان..
له‌وه‌یه یه‌كێک له پرسیاركاران بیه‌وێت بڵێت: "ئه‌ی ناصر محمد به‌ڕاستی تۆ زانایه‌كی فه‌له‌كی شاره‌زایت بۆ حسابی جوڵه‌ی هه‌ساره‌كان". جا له‌پاش ئه‌مه ئیمام مه‌هدی وەڵامی ده‌ده‌اته‌وه‌و ده‌ڵێم: سوێند بە اللە ی گه‌وره ده‌خۆم من بۆ ڕۆژێكیش له ڕۆژان نه زانای فه‌له‌كی بوومه نه زانای ئایینی؛ به‌ڵكو ئه‌مه به‌یانی حه‌ق و ڕاست و دروستە بۆ قورئان! جا ئایا بیرناكه‌نه‌وه؟ وه ئەگه‌ر بهاتبا زانایه‌كی فه‌له‌كی بوومایه وه‌كو ده‌یڵێن ئه‌وا ده‌تاندی ڕاگه‌یاندنی من بۆ سه‌ره‌تای مانگی شه‌والی ساڵی 1433 وه‌ک ڕاگه‌یاندنی سه‌رجه‌م زانایانی فه‌له‌كی عه‌ره‌ب و عه‌جه‌م ده‌بوو؛ کە یەک دەنگ و کۆک بوون له‌سه‌ر سه‌ره‌تای شه‌وال بۆ ئه‌م ساڵه 1433 ـی كۆچی به‌وه‌ی وتیان ناكرێت شه‌ممه بێت به‌ڵكو یه‌كشه‌ممه‌یه، له‌به‌رئه‌وه‌ی به‌گوێره‌ی زانسته فه‌له‌كیه‌كه‌یان مانگ به‌ر له ئاوابوونی خۆری هه‌ینی 29 ی ڕه‌مه‌زانی 1433 ی كۆچی ئاواده‌بێت، به‌ڵام ڕاگه‌یاندنی مه‌هدی چاوه‌ڕوانكراو ئه‌وه‌بوو جه‌ژنی ڕه‌مه‌زانی پیرۆز له ڕۆژی شه‌ممه دایه، له‌به‌ر ئه‌وه‌ی من شتانێک ده‌زانم له‌لایه‌ن اللە وە لەکاتێکدا سه‌رجه‌م زانایانی فه‌له‌كی عه‌ره‌ب و عه‌جه‌میش نایزانن. سوپاسیش بۆ اللە ی په‌روەردگاری هه‌موو خەڵکی جیهان له ئایینده‌دا نیشانەکانی خۆیتان پێ نیشانده‌دات جا ده‌یانناسنه‌وه، جا په‌روه‌ردگارت بێئاگا نیه له‌وه‌ی ئێوه ده‌یكه‌ن.
براتان ئیمام مه‌هدی ناصر محمد یه‌مانی.
ــــــــــــــــــــ
